Visa not issue for china

චීන ජාතිකයින්ට කටුනායක බණ්ඩාරනායක ජාත්‍යන්තර ගුවන්තොටුපලින් වීසා ලබාදීම නතර කිරීමට තීරණය කර ඇති බව සෞඛ්‍ය අමාත්‍ය පවිත්‍රාවන්නි ආරච්චි මහත්මිය පවසයි.

ඇය පෙන්වා දෙන්නේ පවතින වාතාවරණය හමුවේ නැවත දැනුම්දෙන තුරු මෙම තීරණය වලංගු බවයි.

වැඩිදුරටත් මාධ්‍ය වෙත අදහස් දැක් වූ සෞඛ්‍ය අමාත්‍යවරිය මෙසේ පැවසීය.

“චීන ජාතිකයින් ලංකාවට පැමිණියාට පසු ඔවුන්ට විසා ලබාදීම තමයි සාමාන්‍යයෙන් සිදු කෙරෙන්නේ. මේ තත්ත්වය පිළිබද ජනාධිපතිතුමාගේ උපදේශකත්වයෙන් පත් කරන ලද විශේෂඥ කමිටුව විසින් සාකච්ඡාවකට ලක් කළා.

එහිදි ආගමන විගමන පාලක තුමා අප සමග සාකච්ඡා කළා. ඒ අනුව ජනාධිපතිතුමාට මා නැවැත කථා කර උපදෙස් ලබාගත්තා.

ඒ අනුව මෙතනනින් එහාට ලංකාවට චීන ජාතිකයින් පැමිණීමේ දී ලංකාවට ආවට පසු ගුවන්කොටුපලේ දී වීසා ලබාදීමක් සිදු වෙන්නේ නැහැ. ඔවුන් චීනයේ දී ලංකාවට වීසා ඉල්ලුම් කළ යුතුයි.

ඒ අනුව ඒ වීසා ඉල්ලුම් පත්‍රය ඔවුන් පැමිණෙන ප්‍රාන්තය සහ ආදාල කාරණ නිරීක්ෂණය කර තමයි ලංකාව ඔවුන්ට වීසා නිකුත් කරන්නේ.” යනුවෙන් වැඩිදුරටත් පැවැසීය.

Leave a Reply

Your email address will not be published. Required fields are marked *