ජීවිතයේ ආදරණීය බැඳීම සහෝදර බැඳීම ගැන කියවෙන තවත් එක් සංවේදී කතාවක්

සමන් යනු මගේ ලගම මිතුරෙකි. ඔහුගේ පසුගිය උපන් දිනයට ව්‍යාපාරිකයෙකු වූ ඔහුගේ වැඩිමහල් සහෝදරයාගෙන් ඔහුට ලැබුනේ අපූරු ත්‍යාගයකි,ඒ අළුත්ම පන්නයේ මෝටර් රථයකි. පසුගිය සතියේ කාර්යාලයේ වැඩ අවසන් කර නිවසට යාමට මෝටර් රථය අසලට ගිය ඔහු දුටුවේ කුඩා පිරිමි දරුවෙකු මෝටර් රථය වටා කැරකෙමින් එය ආශාවෙන් නරඹන ආකාරයයි.

සමන් ඔහු අසලට ගියේය.

“මේ කාර් එක මහත්තයාගෙද?” කුඩා පිරිමි දරුවා සමන් ගෙන් ඇසුවේය. හිස වැනූ සමන් “ඔව් මගේ අයියා මගේ උපන් දිනේට අරන් දුන්නේ මේක ” පිලිතුරු දුන්නේය.

පිරිමි දරුවා විශ්මයට පත් විය. “ඒ කියන්නේ මේ කාර් එක මහත්තයගේ අයියාද මහත්තයාට දුන්නේ? මහත්තයට කීයක්වත් වියදම් වුනේ නැද්ද?” යැයි ඇසූ පිරිමි දරුවා අවසානයේ “අනේ මටත්…”යැයි යමක් පැවසීමට උත්සාහ ගත් නමුත් අවසානයේ එය නොපවසා නිහඩ විය.

ඔහු පැවසීමට උත්සාහ ගත්තේ කුමක්ද යන්න සමන් දැන සිටියේය. ඔහු පැවසීමට ගියේ “අනේ මටත් ඒ වගේ අයියා කෙනෙක් හිටියා නම්”යැයි බවට සැකයක් නොවීය.පිරිමි දරුවා ඊළග නිමේශයේදී යලිත් කථා කලේය.ඔහු පැවසූ දෙයින් සමන් විශ්මයට පත් විය.. ඔහු පැවසුවේ

“අනේ මටත් ඒ වගේ අයියා කෙනෙක් වෙන්න පුලුවනි නම්” යන්නයි. කුඩා දරුවා දෙස හොදින් බැලූ සමන් ඔහුට ආරාධනාවක් කලේය.

“පුතා කැමතිද කාර් එකේ නැගලා රවුමක් යන්න?”

“ඔවු මහත්තයා මම ගොඩක් කැමතී” පිරිමි දරුවා පිලිතුරු දුන්නේය

සමන් කුඩා දරුවා සමග මද වේලාවක් මෝටර් රථය ධාවනය කලේය,ජීවිතයේ පලමු වරට මෝටර් රථයක් තුල ගමන් කල දරුවා ප්‍රීතියෙන් ඉපිලී ගොස් තිබුනි.අවසානයේ ඔහු කතා කලේය.

“අනේ මහත්තයා අපි අපේ ගෙදර ඉස්සරහින් යමුද?” සමන් මදක් සිනා සුනි . පිරිමි දරුවාට අවශ්‍ය කුමක්දැයි ඔහුට වැටහුනි.ඔහුට අවශ්‍ය තම අසල්වාසීන්ට තමන් නවීන පන්නයේ මෝටර් රථයක නිවසට පැමිනි බව පෙන්වීම බව සමන් සිතා ගත්තේය.

නමුත් සමන් මෙවරත් සිතූ දේ නිවැරදි නොවීය. දිලිදු නිවසක් අසල මෝටර් රථය නවතන ලෙස ඉල්ලා සිටි පිරිමි දරුවා නිවස තුලට දුව ගියේය .මද වේලාවකින් ඔහු යලි පැමිනෙන හඩ ඇසුන නමුත් මෙවර ඔහු පැමිනියේ බොහෝ සෙමිනි.අවසානයේ ඔහු නිවසින් පිටතට පැමිනියේය. ඔහු පැමිනියේ තනිවම නොවේ තම ආබාධිත බාල සොහොයුරාද ඔසවාගෙනය. බාල සොයුරාව නිවස ඉදිරියේ වූ අසුනම වාඩි කර වූ හෙතෙම මෝටර් රථය අසලට පැමින සොයුරාව ඇමතුවේය

“මේ තියෙන්නේ මල්ලී මම කිව්ව කාර් එක. මේ කාර් එක මේ මහත්තයට මේ මහත්තයාගේ අයියා තෑගි දීලා තියෙන්නේ. කවදාහරි ලොකු වෙලා මමත් මගේ මල්ලීට මේ වගේම කාර් එකක් තෑගි කරනවා.එතකොට අපි දෙන්නට පුලුවන් අම්මයි තාත්තයි එක්ක කාර් එකේ නෑගලා යන්න ” පිරිමි දරුවාගේ කුඩා සොයුරා සතුටින් අත්පොලසන් දෙන්නට වූ අතර සමන් තම දෙනෙතට නැගුනු කදුලු බිදු දරුවන්ගෙන් සැගවීමට වෙහෙස දැරුවේය

Leave a Reply

Your email address will not be published. Required fields are marked *